fékk símtal frá landspítalanum fyrir um 20 mínútum og var bókuð í gangsetningu næsta sunnudagskvöld. fyrst ég er frumbyrja vilja þær fá mig inn að kvöldi til. mæting kl 21 á meðgöngudeild og síðan fer ég upp á fæðingardeildina.
nú má sviðalingurinn svo sannarlega fara að koma sér út af sjálfsdáðum svo ég þurfi ekki í gangsetningu!
sat heima í gær (17.09.) og hundleiddist, svo í dag (18.09.) var ég tilbúin með plan þegar sverrir kom úr vinnunni – við skyldum kaupa gardínur. ætlaði nú bara í ikea en ákváðum svo að fara í z-brautir og fundum þetta líka fína efni og keyptum það bara einn tveir og þrír. svo nú hef ég eitthvað að brasa um helgina, ef ég treysti mér til og nenni.
annars saumaði ég utan um skiptidýnuna í dag og líka eitt stykki sængurver og byrjaði á stuttbuxum fyrir sverri sem ég hef ætlað að sauma síðan í sumar. þvílíka húsmóðirin.
í kvöld fór ég síðan að velta fyrir mér vöggudýnunni, þar sem ég sprautaði á hana með sítrónuvatni og sá fyrir mér að hún væri farin að mygla eða eitthvað þaðan af verra. hún var það nú sem betur fer ekki en fúkkalyktin var ennþá svo við ákváðum að kaupa nýja vöggudýnu. ég skellti síðan öllu klabbinu (lökum, yfirdýnu, vögguáklæði, sængurfatnaði) í þvott og setti nokkra lavender dropa í vögguna til að fá betri lykt. getum vonandi fengið nýja vöggudýnu á morgun, eða í síðasta lagi eftir helgi.
jájá, voða róleg í þessu allt í einu, enda ekkert að gerast 
pantaði mér tíma í nálastungur og meðgöngunudd hjá Brynju í Hamraborg (sem Maggý í Mecca Spa mælti svo ofsalega mikið með), átti upphaflega að fá tíma í dag, sem frestaðist til morguns, sem frestaðist til laugardagsmorguns.
í nótt hef ég verið að dunda mér við saumaskap, kláraði næstum því stuttbuxurnar hans sverris og setti svo plastið á sturtuhengið, nokkuð sem hefur verið á planinu í allt sumar, til að koma í veg fyrir leka út á gólf þegar maður er í sturtu. er lítið sem ekkert þreytt, en verð víst að fara að koma mér í smá svefn enda klukkan að nálgast 4. meiri næturgalinn sem ég er.
… og ekkert að gerast.
Pökkuðum loks niður í heimferðartösku í gær og festum bílstólinn í bílinn í dag.
Oggulitlir fyrirvaraverkir hafa látið á sér kræla síðustu daga en þeim hefur alltaf linnt í hvíld svo það er enn nokkuð eftir greinilega.
mér leiðist að fara snemma að sofa, sofa þokkalega vært, vakna svo og geta ekki sofnað aftur. er núna búin að sitja hérna inni í stofu í meira en 1,5 klst og er rétt núna að byrja að finna fyrir því að ég gæti sofnað aftur. þetta gæti svo sem tengst lokastigi meðgöngunnar, kannski eru áhyggjur farnar að segja til sín? hmmm.
en jæja, um að gera að nýta þetta nýtilkomna þreytustig og reyna að sofna aftur, ef það tekst þá fyrir ógleði og bakflæði og grindarverkjum. ó, þessar síðustu vikur eru dásamlegar 
opið bréf til fjármálaráðherra
Innlent | Morgunblaðið | 3.9.2008 | 08:30
konur á steypinum krefja Árna um efndir
Vísir, 03. sep. 2008 10:26
Konur á steypinum krefja Árna um efndir
fyrsti dagur í 50% vinnu var í dag. fann nú lítið fyrir því, þannig lagað, en það verður gleðilegt í vikunni að koma heim og geta lagt sig í rólegheitunum, eða stússað eitthvað heima við.
neinei, það er ekkert að gerast, 13 dagar í settan dag, þ.a.l. mögulega allt að 27 dagar í raundag, en það kemur allt í ljós bara. ég tel það nokkuð öruggt að fréttirnar muni berast um leið og tilefni er til )
fórum á alveg frábært leikrit í gær í Hafnarfjarðarleikhúsinu, mammamamma. alveg yndislegt svona í hormónarússinu mínu, ég hef aldrei á ævinni verið svona hrifnæm, en það átti vel við í gærkvöldi. mæli innilega með þessu leikriti fyrir alla sem eiga eða hafa átt eða þekkt mömmur.
sverrir fór á pabbanámskeið þriðjudaginn 3. júní frá kl. 16.30-18.00 og fræddist um hin ýmsu málefni
Fræðsla fyrir verðandi feður
Fræðslan er haldin einu sinni í mánuði og er fyrir verðandi pabba.
Leiðbeinandi er pabbi, afi, prestur og mannfræðinemi.
Fræðslan er haldin á Miðstöð mæðraverndar, Þönglabakka 1Fjallað er um : Verkefni pabbans.
Um langa aldur var það fyrst og fremst verkefni mömmunnar að koma börnunum í heiminn, en pabbar voru þá oft víðsfjarri þeim vettvangi. Síðustu áratugi hafa orðið miklar breytingar sem hafa stuðlað að auknu mikilvægi pabbans bæði á meðgöngunni og í fæðingarferlinu. Pabbar eru ekki karlkyns mömmur. Þeir nálgast þetta verkefni sem karlmenn og hafa margt mjög mikilvægt fram að færa sem börnin þeirra geta notið góðs af. Þessi umfjöllun er um karla og bara fyrir karla. Engar konur eru viðstaddar. Verðandi pabbar eru boðnir velkomnir og ef þeir vilja taka vin sinn eða pabba með sér, þá eru þeir líka velkomnir, en allir verða að skrá sig fyrirfram.
Sjáumst,
Bragi Skúlason, pabbi, afi , prestur og mannfræðinemi.
ég veit ekki hvers konar stríðnispúka ég ber undir belti en það blæddi enn einu sinni. er ekki eins stressuð yfir þessu og áður, en samt hringdi ég í heilsugæsluna og bíð þessa stundina eftir því að steinunn hafi samband til baka.
síðast gerðist þetta fyrir 3 vikum og þá sagði hún mér að ef blæðingin héldi áfram með meiri verkjum (var með túrverkjaseiðing þá) ætti ég að hafa samband upp á deild. hugsaði samt með mér að þar sem það eru 3 vikur síðan og ég hef fundið hreyfingar síðan þá ætla ég fyrst að heyra í henni í þetta skiptið.
stefni á fyrsta jógatímann í dag 
—
kom heim og setti í þvottavél og steingleymdi mér í heimilisstörfunum. meiri kellan..