Krukkurnar, þær voru nú aldeilis stórt atriði. Það var einhvern tímann um mitt sumar sem krukkuhugmyndin kom til. Ég sá mynd á netinu af uppdekkuðu borði þar sem búið var að raða krukkum í einfalda röð eftir borðinu endilöngu. Krukkurnar voru af öllum stærðum og gerðum og í þeim voru kerti. Birtan af þessu var ljómandi falleg og hlýleg og heillaði mig undir eins. Continue reading →

Fyrstu hugmyndir voru að nýta náttúruna, jafnvel safna haustlaufum, nota haustlitina. Appelsínugulur, brúnn, rauður, grænn, gulur, fjólublár. Reyniber, reyniber, reyniber.
Eftir smá vangaveltur sá ég fyrir mér molnuð lauf út um allt og fannst það ekki sérlega snyrtilegt, svo úr varð að halda sig við reyniberin. Continue reading →

Ég hef heyrt því fleygt að “allar stelpur byrji að skipuleggja brúðkaupið sitt þegar þær eru litlar”. Aðra eins fjarstæðu hef ég ekki heyrt. Aðeins eitt atriði var alveg á hreinu – mér fannst kirkjubrúðkaup ekki vera fyrir mig. Það var ákaflega heppilegt að Sverrir var á sömu skoðun. Continue reading →